Aktar kmieni din il-ġimgħa ngħalqu b’mod uffiċjali r-reġistrazzjonijiet għall-edizzjoni oħra ta’ Zabbar5K. Għas-7 edizzjoni ta’ din il-ġirja tradizzjonali, hemm ‘il fuq minn 450 atleti li rreġistraw sabiex jipparteċipaw nhar il-Ħadd 25 ta’ Awwissu 2024.
It-tellieqa mill-ġdid ser titlaq mill-foss ta’ Ħaż-Żabbar u tifrex tul it-toroq ta’ Ħaż-Żabbar sabiex tintemm quddiem il-każin tal-Għaqda. Għal din is-sena mistenni mill-ġdid jipparteċipaw atleti f’kategoriji differenti f’dik li issa saret waħda mill-aktar tiġrijiet imfittxija mill-atleti Maltin minn sena għal oħra hekk kif tiftaħ l-istaġun tat-taħriġ għal bosta minnhom.
Din it-tiġrija qed tittella' bil-kollaborazzjoni tal-Kunsill Lokali ta’ Ħaż-Żabbar, TeamSport, VIBE FM, LESA, Go&Fun u MG Consulting.
Din is-sena d-donazzjonijiet miġbura ser imorru għall-Fondazzjoni Mid-Dlam għad-Dawl.
Comments