Il-bieraħ kienet ġurnata impenjattiva għall-Għaqda tagħna hekk kif nhar Jum il-Banda San Mikiel sa minn kmieni filgħodu tellgħet is-7 edizzjoni ta’ Żabbar5K fejn ‘il fuq minn 450 atleta ħadu sehem f’waħda mill-aktar tiġrijiet popolari f’pajjiżna.
Il-jum issokkta bil-marċ il-kbir ta’ San Mikiel fejn il-qalb tħabbat tal-poplu Żabbari ingħaqdet flimkien sabiex tiċċelebra bil-lewn aħdar dak li llum ħafna qegħdin isibu bħala t-tieni ‘Te Deum’.
Il-banda San Mikiel daqqet uħud fost l-aqwa u l-isbaħ marċi b’mijiet ta’ partitarji ikantaw u jiċċelebraw mill-qalb dan il-jum hekk tant imfittex.
Is-suċċess tal-bieraħ jawgura għal ċelebrazzjonijiet akbar issa għall-festa tal-patruna tagħna l-Madonna tal-Grazzja.
Yorumlar